التعليقات على: بتشروا خروف؟

بواسطة: iAnas » عيد أضحي مبارك

iAnas » عيد أضحي مبارك — Mon, 15 Dec 2008 23:29:59 +0000

[...] موضوع لهيثم في مدونته مدونة وقفات وفي موضوعه بالخصوص بتشروا خروف؟ وكان هذا الرد [...]

بواسطة: iAnas

iAnas — Wed, 10 Dec 2008 12:09:18 +0000

أكيده يا هيثم العيد بلمته و حوسته و تمرميدته ،،، علي قولة واحد صاحبي ( هذي أسمها لذة العيد ! ) ….

بواسطة: منير

منير — Tue, 09 Dec 2008 02:54:27 +0000

وخيره ما يكونش بتشروا ضحية العيد؟

قصدي العبد لله والشباب معيدين بجدي إرتفاعه 60 سم ” جديانهم أبصر كيف راهو ” ومعاهم ستة دجاجات ”

تي قصدي ليا هلبة معاش سمعت كلمة جبتوا الضحايا يا ليدووو

تغربوا تغربوا راهو باهية

بواسطة: هيثم

هيثم — Mon, 08 Dec 2008 23:06:41 +0000

أنس : كل سنة وانت طيب والاسرة بخير يارب ..

حلاوة العيد في التمرميد ، يعني أيام وتعدي .. حتى امرمدة اكيد بالعيلة تطلع أحلى .. مرة تسمع تكشيخة هني ومرة تسمع صيحة من غادي ومرة تسمع ضحكة ابصر كيف ومرة خلعة … ووو الخ ..

هو يوم بتعيشه بحلوه وتمرميده :d والا شنو قلت ؟

بواسطة: iAnas

iAnas — Mon, 08 Dec 2008 19:29:59 +0000

بصراحه روحت السنه هذي خصيصا نبي نحضر العيد الكبير ( عيد الاضحي ) مع العويلة لاني ليا أكثر من سته سنين ماحضرتاش و مانعرفش كيف شكله لدرجة قريب ننساه …. روحت لليبيا لقيت في جنان الحوش أربعه خرفان ( صدمه ) .

- ماما هذو لمنو ؟
أمي – لينا حني !
أني – تي علاش اربعه شنو بنديرو بيهم ؟
أمي – واحد ليا أني والثاني لخوك و مرته وولده و الثالث ليك أنت و الرابع لنساباتنا بيجو يرفعو بعد شويه !
أني – ليا أني ؟؟؟ منو قال أني نبي خروف نضحي عليه ! أني ماعنديش عيلة باش نعيد و نضحي عليهم !
أمي – مش أنت قلت خودولي السنه الي فاتت و تصدقو بيه ؟
أني – أيه ماما أني قلت بس مش نذبحوه و نتعبو فيه قلتلك خودي خروف و تصدقي بيه لحد محتاج مش تتشحورو في ذبحه و سلخه و الخ الخ الخ … تي أنتو كلكم علي بعضهم أربعه أشخاص و طفل .

طبعا زنيت عليها باش نتفكي من خروف ويقعدولنا خروفين بس هههههههههه تي أني جاي باش نستمعتع ولا جاي باش نحصل في الذبح و السلخ وااااااااااااااك تمرميييييد !
وفعلا زي ماقررت صار , خروفين و كيف كملنا و خليتهم يشو و مشيت للنت باش ندير دوره علي الحبايب نعيد عليهم …. و مالقتيش غير زوز أشخاص عيدت و أنت رديت عليك … و تمت الحكاية وزوة الزواية …..

بس جو مش عادي م الاخير أجواء عيد الاضحي ,,,,,

كل عام و أنتم بخير وبصحه وسلامه يااارب

بواسطة: هيثم

هيثم — Sun, 07 Dec 2008 15:52:49 +0000

نسيم ليبيا : محجوز للحبايب.. :-d

وعيدكم مبارك ان شاء الله ..

بواسطة: هيثم

هيثم — Sun, 07 Dec 2008 15:51:55 +0000

هناء : نعم نحن نفعلها في كل عام ، لا تسأليني على الأسباب لانني أجهلها .

كل عام وانتي بخير ..

بواسطة: nasimlibya

nasimlibya — Sat, 06 Dec 2008 23:57:16 +0000

متقولش اللي بالاسود الداكن محجوزات
عيدك سعيد انت وكل الاسرة وسلام خاص للمبدع جاد

بواسطة: hana

hana — Sat, 06 Dec 2008 22:00:48 +0000

علاش هو في حد يخلي شرية الخروف ليوم عرفة ..يعطيكم الصحة
علعموم علي سؤالك اكيد الأب العزيز من الناحية هادي مايقصرش يعني لومايقلوش عيب يشريه من العيد الصغيره ..

هي كل سنه والكل بألف خير ان شاء الله